Жулиет Бинош ќе ја добие наградата „Гоја“ за особен придонес во шпанската кинематографија

Познатата француска актерка Жилиет Бинош ќе ја добие почесната награда „Гоја“, награда од Шпанската академија за филмска уметност за нејзиниот особен придонес во кинематографијата. Актерката (58), која во 1996 година го доби престижниот Оскар за најдобра споредна женска улога во филмот „Англискиот пациент“ во режија на Ентони Мингела, несомнено придонела за европската кинематографија, соопшти Шпанската академија.

Жулиет Бинош ќе ја добие „Меѓународната Гоја“, специјална награда воспоставена пред две години, на церемонијата на Гоја на 11 февруари во Севиља.

Австралиската актерка Кејт Бланшет ја доби оваа награда минатата година.

За време на нејзината 40-годишна кариера, француската актерка соработуваше со големи режисери како Жан-Лук Годар, Луис Мал, Михаел Ханеке и Кшиштоф Кишловски.

Жилиет Бинош е добитничка на бројни награди, меѓу кои францускиот Цезар и британската БАФТА. Добила награди на познати европски фестивали во Кан, Берлин и Венеција.

Актерката минатата година беше наградена на шпанскиот филмски фестивал во Сан Себастијан.

Наградата Гоја на Шпанската академија за филмски уметности и науки се состои од мала биста на големиот шпански сликар Франциско Гоја. Наградата за прв пат беше доделена во 1987 година.