САД на Русија ѝ понудиле украинска територија во замена за мир
САД на Русија ѝ понудиле 20 отсто од територијата на Украина во замена за мир, пишуваат германски медиуми. Белата куќа, пак, демантира.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Според германскиот весник „Ноје Цирхер цајтунг“ (НЗЗ), кој се повикува на двајца германски политичари, шефот на американската Централна разузнавачка агенција (ЦИА) – Вилијам Барнс, наводно му понудил на Киев „мир во замена за земја“, а на Москва – „земја во замена за мир“. Имено, според предлогот, 20 отсто од окупираната територија на Украина би ѝ припаднала на Русија.
Сепак, според весникот, двете страни ја одбиле таквата понуда. Во Киев ги отфрлаат сите предлози за поделба на нивната територија, а во Москва се сигурни дека „во секој случај долгорочно ќе ја добијат војната“.
Вашингтон, меѓутоа, демантира дека имало таков предлог.
„Оваа верзија на настаните е целосно лажна“, изјави неименуван функционер на ЦИА за Њузвик.
И заменик-портпаролот на Советот за национална безбедност при Белата куќа, Шон Дејвид, рече дека информациите на НЗЗ „не се вистинити“.
Официјално, ниту Москва ниту Киев не ја коментираа оваа информација.
Извор: МИА
