Бугарите не можат да влезат во Македонија: Паднал системот на граничниот премин Деве Баир

Системот за контрола на Деве Баир не е во функција речиси час и половина и на преминот има застој за влегување во земјава. Проблемот е за влез во Македонија па затоа дел од бугарските државјани кои утрово сакаат да влезат чекаат во колона.

Екипата на „А1он“ која е на граничниот премин забележа десетици возила кои веќе се пропуштени од бугарска страна чекаат на македонскит дел од гранциата за да бидат пропуштени во земјава.

Околу 150 Бугари утрово во 6.30 часот тргнаа во колона со автомобили, наместо со автобуси како што беше најавено претходно.

– Од Бугарија ќе има околу 150 бугарски граѓани кои ќе присуствуваат на чествувањето. Јас и луѓето кои ќе пристигнат во Македонија, го признаваме македонскиот народ и сакаме заеднички чествувања за Гоце Делчев затоа што е наш заеднички херој. Без навреди и тензии – рече Виктор Стојанов за „А1он“

The post Бугарите не можат да влезат во Македонија: Паднал системот на граничниот премин Деве Баир appeared first on Шило Магазин.