Јапонски град вработува жени кои ќе се обучуваат да бидат гејши

Во обид да ја оживее култната традиција и да го поттикне туризмот, јапонскиот град со термалните извори Геро во префектурата Гифу ја продолжува програмата за вработување на жени во градската администрација, кои ќе се обучуваат да бидат маико односно гејша.

Вработените во уникатниот проект на локалната самоуправа, кој е втор од ваков вид во Јапонија, се очекува да работат како државни службеници, а во исто време да научат да танцуваат, пеат и свират на музички инструменти.

Обуката се очекува да трае три години, а нови вработувања во рамките на оваа програма ќе започнат во февруари.

Од градската управа велат дека во последните години има се помалку групни посети на местото, па гејшите имаат се помалку можности да ја покажат својата уметност.

Тецуја Томинага, програмски менаџер во одделот за туризам на Гера, истакнува дека историјата и културата на гејшите се важни и треба да се пренесат.

Во 1970-тите, градот во централната префектура Гифу имал повеќе од 200 гејши и нивни чираци. Но, тој број се намали, а моментално има само три, вклучувајќи ја и Марика Такемото (23), првата што е регрутирана во програмата.

Такемото, кој е родена во Токио, вработена е во 2021 година во одделот за туризам на градската управа на Гера.

Таа вели дека е заинтересирана за ревитализација на руралните области, а преку социјалните мрежи се обидува да привлече туристи во одморалиштето со топли извори, кое сè уште ги чува остатоците од античката историја.

Како гејша, таа учи бонтон, танц и народни песни. Бидејќи е државен службеник, не смее да забавува приватни групи, но може да настапува јавно.

Со искуството стекнато за време на обуката, таа може да избере да продолжи да работи како гејша по завршувањето на програмата за обука.