Од 23-ти јануари му се губи секаква трага-Коста Граоркоски од Долно Нерези рекол дека оди до продавница, но откако заминал веќе не се вратил

Исчезнат е 71-годишниот Коста Граоркоски од Долно Нерези. Семејството информира дека од дома излегол на 23 јануари, околу 17 часот.

Рекол дека оди до продавница, но мобилниот телефон го оставил дома. По речиси еден час, семејството се загрижило и почнува интензивно да го бара по траекторија на околните продавници и по кејот на Вардар, каде често и шетал. Пријавиле во полиција, која почнува истрага. Активирани се сите ресурси, а неколкупати е пребарано и течението на реката Вардар.

Граоркоски бил со добро здравје, и немал никакви здравствени проблеми. Облечен е во спортска опрема, со сина јакна, сиви пантолони, и светло сива капа.

The post Од 23-ти јануари му се губи секаква трага-Коста Граоркоски од Долно Нерези рекол дека оди до продавница, но откако заминал веќе не се вратил appeared first on Шило Магазин.