Рецепт 7+7+7 кој ќе го обожувате: Најсочните ледени коцки кои се топат во уста

Подготовката на ледените коцки не бара некое големо предзнаење, но потребно е малку повеќе време.

Сепак, кога ќе ги пробате и ќе почнат да ви се топат во уста, ќе сфатите дека секоја минута од времето е добро потрошена.

Еве што ви е потребно за 7 + 7 + 7 ледени коцки:
За кората:

7 јајца;7 лажици брашно;7 лажици шеќер;3 лажици какао;1 кесичка прашок за печиво;малку цимет.

За преливот:

250 гр. шеќер;500 мл. вода.

За филот:

1 ванилин шеќер;1 литар млеко;10 лажици брашно;10 лажици шеќер;250 гр. маргарин или путер;150 гр. шеќер во прав.

За глазура:

200 гр чоколадо;10 лажици масло.

Подготовка:
Кора
Јајцата и шеќерот се матат со миксер додека не станат пенасти, па постепено се додаваат брашното, какаото и прашокот за печиво. Потоа со лесни движења сè убаво соединете со жица и истурете во плех обложен со хартија за печење. Температурата на рерната треба да биде околу 200 степени, а кората е готова за околу половина час.

Прелив
Измешајте ги шеќерот и водата и оставете да зовријат. Топлата смеса прелијте ја врз ладната кора.

Фил
Од 1 литар млеко одвојте 200 мл. и во него измешајте брашно, ванилин шеќер и шеќер. Оставете ги преостанатите 800 мл. млеко да се варат. Тргнете го млекото од оган и постепено додавајте ја смесата со брашно и варете на тивок оган со постојано мешање. Оставете да се излади. Посебно се матат маргаринот и шеќерот во прав и се соединуваат со изладениот фил. Добро измешајте и прелијте ја кората.
Покријте со масло и чоколадна глазура. Тортата ставете ја во фрижидер да се излади.

На здравје!