Научници откриваат колку најдолго човекот може да живее

Истражувајќи ги податоците на околу 75.000 Холанѓани чија точна возраст била забележана во моментот на смртта, статистичарите од универзитетите во Тилбург и Еразмус Ротердам ја утврдиле максималната горна граница на очекуваниот животен век на жените на 115,7 години.

Кај мажите таа возраст е нешто помала – 114,1 година. Примероците се од податоци од последните 30 години, рекол професорот Џон Ајнмахл, еден од тројцата научници кои ја спровеле студијата.

„Се разбира, просечниот животен век е зголемен. Сепак, максималната горна граница не е променета“, објаснил Ајнмал.

Не станува збор за очекуваниот животен век, туку за очекуваниот животен век што се користи за да се одреди колку долго може да живее поединецот ако се грижи за себе. Овие наоди се совпаѓаат со студијата спроведена во Америка, каде што истражувачите откриле сличен опсег на животниот век.

Научниците утврдија дека максималниот животен век на една личност е генерално во деведесеттите години и веројатно нема да се зголеми над 115. Но, тие потврдија дека бројот на луѓе кои живеат на 95 во Холандија е тројно зголемен во последните 30 години.

Најстариот човек кој некогаш живеел доживеал 122 години. Жан Луиз Калмент е родена во 1875 година во Франција. Таа почина во 1997 година. Таа беше запишана во Гинисовата книга на рекорди како личност која живеела најдолго.

Ајнмахл рекол дека наодите од истражувањето ќе бидат објавени во текот на следниот месец.