Никола Мицевски со 50 музичари ќе одржи концерт во Филхармонијата

Композиторот и музичар Никола Мицевски на 21 март ќе одржи концерт во Филхармонија во Скопје за да го промовира неговиот нов албум New Era. Концертот во Скопје е по успешните концерти одржани во Битола и Велес, а овој пат ќе биде во организација на „Авалон продукција“ кој оваа години одбележува јубилеј 30 години постоење.

„Во богата формација, заедно со неколку познати инструментални и вокални солисти, во придружба на бенд составен од 50 академски музичари, Никола Мицевски спрема едно одлично музичко и визуелно патување кое ги поместува стандардите и границите на македонската инструментална музика. Албумот New Era претставува симбиоза на традиционални и модерни мелодии во фузија со џез, фанк и електронска музика; едно филмско начело споено со етно, рок и електро основи за пијаното на маестро Мицевски и солистичките инструменти“.

Влезниците ќе бидат во продажба од 22ри февруари, по цена од 700 и 1.000 денари.