Две причини поради кои не треба да спиете со мокра коса

Дали некогаш сте ја измиле косата доцна навечер и сте биле премногу уморни за да поминете повеќе време на сушење на косата?

Покрај тоа што спиењето со мокра или влажна коса не е пријатно, еве уште некои ризици за нашето здравје.

Ризици од спиење со влажна коса

– Нема докази дека некој може да настине ако си легне со мокра коса. Кога некој ќе настине, тоа е затоа што е заразен со вирус – објаснува д-р Чираг Шах за „Healthline“.

Габични инфекции

Иако нема да настинете, постои зголемен ризик од развој на габични инфекции на скалпот. Тие можат да доведат до состојби како првут или дерматитис. Со габите кои се природно присутни на вашиот скалп, перниците се исто така почва за размножување на истите. Тие се развиваат во топла средина, а влажната навлака за перница и перницата обезбедуваат идеална почва за нив.

Кршење на косата

Спиењето со влажна коса влијае и на самата коса.

– Косата е најслаба кога е мокра. Главниот ризик е кршење на косата при фрлање и вртење додека спиете. Ова посебно е проблем ако косата е во плетенка или стегната во репче, што додава поголема напнатост на скалпот. Ако не можете да го избегнете спиењето со мокра коса, најдобро е да ја оставите да паѓа – објаснува дерматологот од Њујорк Адреш Виџаи.