Тимчо им подели рози на дамите од комунална во Аеродром

Градоначникот на Аеродром Тимчо Муцунски утрово им подели рози на  жените кои се дел од комуналните служби во Аеродром.  Тој вели дека е горд што денеска кога светот го празнува Меѓународниот ден на жената, имал можност лично и со рози да им го честитам празникот.

“ Имав можност да застанам и да им го честитам празникот токму на жените кои со својата работа секојдневно даваат значаен придонес за нормално функционирање на општината. Со нивната сила и посветеност, тие докажуваат дека сите сме еднакви, рамноправни и заеднички даваме придонес кон почиста и поубава животна средина. Им се заблагодаривме за трудот и личниот придонес кој тие го даваат за сите да живееме во почиста и поубава општина. За мене е вистинско задоволство да соработувам со сите вредни и посветени жени“, вели градоначаникот Тимчо Муцунски.