Турскиот актер Озџин Дениз се ожени по трет пат со 23 помлада модна креаторка

Турскиот актер Озџин Дениз неодамна се ожени по трет пат, со 23 години помладата модна креаторка Самар Дагдар, со која бил во врска од 2021 година.

Неодамна турскиот пар на социјалните мрежи објави моменти од свадбата, како и од Самар која е во бела венчаница, додека Дениз носи костум во кремова боја.

Тие направиле и свадбена фотосесија во Дубаи, каде и го поминуваат медениот месец.

Турскиот актер Озџин Дениз од популарната серија „Истанбулската невеста“ беше во брак со Хандан Дениз од 1991 до 2000 година. Вториот брак на актерот со Фејза Актан траеше само една година од 2018 до 2019 година, со која имат син за кој актерот судски се бореше за негово старателство.