Заврши трилатералната средба во Охрид:„Постигнат договор“
За исходот од средбата се очекува обраќање на високиот претставник на ЕУ, Жозеп Борел.
Според неофицијалните информации на приштинска КОХА, во Охрид е постигнат некаков договор.
Во Охрид денеска се одржа средба на високо ниво во рамки на дијалогот меѓу Белград и Приштина.
Состанокот, кој го свика високиот претставник на ЕУ, Жозеп Борел, а чие учество го потврдија и српскиот претседател Александар Вучиќ и премиерот на Косово, Албен Курти, се одржи со поддршка на специјалниот претставник на ЕУ, Мирослав Лајчак.
Претседателот на Србија, Александар Вучиќ изјави дека во Охрид сака да разговара за нормализација на односите и дека Србите и Албанците можат нормално да разговараат и повтори дека нема да потпише ништо, пишува Б92.
