Барселона оствари рекордна заработка на „Ел Класико“

Каталонскиот гигант Барселона оствари победа од 2-1 против Реал Мадрид на синоќешното „Ел Класико, а покрај тоа и урна уште еден рекорд. На стадионот „Камп Ноу“ присуствуваа повеќе од 95.000 гледачи кои ја наполнија клупската каса за повеќе од 8,2 милиони евра. Ова е рекордна сума од продажба на билети за домаќините.

Барселона сега има 12 бода предност пред Реал Мадрид на врвот на табелата во Ла Лига.

Доколку Барселона стане шампион, тоа ќе биде прва титула за тимот од сезоната 2018/2019.