Ќе се снима серија за секс симболот на француската кинематографија Брижит Бардо

Француската телевизија Франс 2 наскоро ќе емитува серија за познатата поранешна актерка Брижит Бардо, додека самата актерка, која оваа година ќе наполни 89 години, ја изрази својата рамнодушност кон серијата.

Серијата, која неодамна беше претставена на фестивалот во Лил, има шест епизоди од 52 минути и е наречена „Бардо“. Се уште не е познат точниот датум на неговото емитување. Во улогата на поранешниот секс симбол е младата и непозната актерка Јулија де Нинез.

„Секогаш ми велеа дека изгледам како актерка. Сепак, не сакавме улогата да биде некаква имитација“, изјавила Јулија де Нинез.

Серијата на режисерката Даниел Томпсон и нејзиниот син Кристофер е од класичен карактер и се однесува на десет години од животот на славната Брижит Бардо – од нејзината прва улога во 1950 до 1960 година и култниот филм од 1956 година „И Бог ја направи жената“.

„Тоа не е биографски филм, не ми се допаѓа тој збор. Тоа е дел од животот на една актерка“, изјавил режисерот.

Сепак, самата Брижит Бардо, која во септември наполни 89 години, изјави дека „не и е грижа за таа серија“.

„Единствено што е важно е мојот реален живот, а не некои глупави биографски приказни“, изјавила Брижит Бардо за која е познато дека нема влакна на јазикот.

Режисерот рекол дека и пишала на познатата актерка да ја информира за серијата и дека актерката која медиумите ја нарекуваат само ББ, одговорила дека има доверба во филмската екипа.

Брижит Бардо, секс симболот на француската кинематографија во 1960-тите, го напушти актерството на врвот на кариерата и целосно се посвети на животните.

Нејзини најпознати филмови се „Парижанка“, „И Бог ја создаде жената“, „Дон Жуан беше жена“, „Приватен живот“, „Вива Марија“ и „Презир“.