Мета првично ја нудеше својата услуга со платена верификација во Австралија и Нов Зеланд, а сега е достапна и за корисниците на Facebook и Instagram во САД.


Услугата Meta Verified чини 11,99 долари месечно ако се користи на веб, или 14,99 долари преку продавницата за мобилни апликации. Првата опција нуди само можност за добивање сина ознака за Facebook, додека втората го дозволува истото за Instagram.

Покрај беџовите, услугата нуди „проактивна заштита од имитатори“, директен пристап до поддршката за корисници, ексклузивни налепници и 100 ѕвезди месечно на Facebook за покажување поддршка за други креатори.

Корисниците кои сакаат да ја користат услугата мора да имаат 18 години и мора да поминат низ процесот на верификација, кој вклучува поседување документ за идентификација со фотографија. Исто така, неопходно е да се вклучи опцијата за проверка во два чекора.

Оние кои се веќе проверени на Инстаграм и Фејсбук нема да мора да плаќаат за Meta Verified во иднина, барем додека Мета не одлучи да ги отстрани постоечките беџови за потврда.

По САД, услугата за претплата се очекува наскоро да стигне до корисниците ширум светот.