Манчестер јунајтед се вклучи во борбата за Влаховиќ

Премиерлигашот Манчестер јунајтед е заинтересиран за напаѓачот на Јувентус, Душан Влаховиќ, пишува „Corriere dello Sport“.

За 22-годишниот српски фудбалер се заинтересирани и Арсенал, Челзи, Ливерпул и Пари Сен-Жермен.

Договорот на Влаховиќ со Јувентус е со важност до летото 2026 година. Порталот Трансфермаркт ја проценува вредноста на играчот на 80 милиони евра.

Сезонава Влаховиќ забележа 15 настапи за Јувентус во сите натпреварувања, постигнувајќи седум гола и две асистенции.