Сега е идеално време за ТИКВА: Најлесен начин да ја исчистите

Во текот на зимата тиквата е присутна на трпезата како дел од многу рецепти и јадења

Правиме пита од тиква, печена тиква и разни слатки од кои оваа намирница е дел. Тиквата не се користи само за десерти, туку и за правење разни чорби.

Повеќето рецепти започнуваат со чистење на тиквата. Започнете го процесот со миење, бидејќи на неа често остануваат траги од нечистотија. Потоа отстранете го горниот дел и дното на тиквата. Во зависност од големината, можете да ја исечете тиквата на помали парчиња за полесно да се излупи.

Ако тиквата ја користите за печење со кора, откако ќе ги извадите двата краја, пресечете ја на половина и со лажица извадете ја внатрешноста заедно со семките.

Откако ќе ја исчистите, пресечете ја во саканата големина според рецептот. Ако сакате да подготвите полнета тиква, отсечете го само малку дното за да стои исправено и внимателно извадете ја внатрешноста со лажица.