„Да се обединиме против НАТО!“ Кадиров ги повика муслиманите да се обединат против „заедничкиот непријател“

Лидерот на Чеченија, Рамзан Кадиров, денеска ги повика муслиманите ширум светот да се обединат против НАТО.

,,Го повикуваме исламскиот свет и сите разумни луѓе да се обединат против нашиот заеднички непријател“, напиша Кадиров на социјалните мрежи.

Тој изјави дека НАТО претставува глобална закана и ги обвини САД и ЕУ дека се движечка сила зад десетиците војни, воени удари и инвазии, кои чинат милиони животи.

,,Не дозволувајте НАТО да ви дава наредби затоа што ќе ви ги газат татковините“, рече Кадиров.