До смрт избодени две деца, мајката е осомничена за убиствата. Хорор во Бронкс, Њујорк
Тригодишно момче заедно со неговото 11 месечно братче биле пронајдени во стан во Бронкс со повеќе убоди во пределот на вратот и телото, по што биле пренесени во болница, но за жал повредите биле претешки и лекарите не можеле да ги спаси, пишуваат американските медиуми.
Нивната 24-годишна мајка била однесена во полиција, а потоа пренесена во болница откако, како што пренесуваат медиумите, чудно се однесувала.
Мајката не е уапсена, а таткото на децата не е приведен, изјави заменик началникот на новинарите. Но, подоцна медиумите објавија дека мајката се смета за осомничена.
Полицајците дејствувале по пријава за чудно, но ненасилно однесување на жената. На полицијата ѝ било кажано дека жената се обидувала да ги запали работите во кујната, а тие ја нашле во станот на третиот кат. „Таа постапуваше нерационално“, велат од полицијата.
Без инциденти била приведена додека не пристигнала брзата помош која ја пренела во болница на опсервација. Пред да оди во болница, семеен пријател во полиција изјавил дека децата се со нивниот татко.
Што се случи потоа не е сосема јасно.
Подоцна полицијата добила нова пријава. На истата адреса било пријавено дека две деца не дишат. Од полицијата велат дека полицајците се вратиле во станот и ги пронашле момчињата со повеќе убодни рани.
Полицајците и еден член на семејството се обиделе да ги реанимираат децата додека чекале брза помош, која ги однела во болница, каде што починале.
„И покрај максималните напори на полициските службеници, двете деца им подлегнаа на повредите“, рече заменикот.
Соседката која живее до нив, Шенон Холифилд, рече дека родителите на момчето се расправале претходно истиот ден. Подоцна го слушнала врискањето на таткото и го видела како ги носи двете момчиња, голи и облеани во крв низ ходникот.
„Вискаше хистерично. Врескаше – помогнете ми! Ја отворив вратата и го видов како слегува низ ходникот со двете момчиња во раце. Тие беа мртви. Насекаде имаше крв”, рекол соседот.
