Роби Вилијамс откако драстично ослабе откри дека боледува од психолошко пореметување

Пејачот Роби Вилијамс откри дека боледува од психолошко пореметување – телесна дисморфија, поради што никогаш не научил вистински да го сака својот изглед.

„Би можел да напишам книга за чисто самозагрозување кога е во прашање сликата за моето тело. Страдам од телесна дисморфија, можете да замислите што гледа мојата психа. Можеби не можеш. Во секој случај, тоа е  катастрофа“, изјавил Вилијамс.

Пејачот неодамна драстично ослабе, па се пофали со новиот изглед. Некои обожаватели го критикуваа Роби дека сега е премногу слаб и изразија загриженост за неговото здравје.

„Во моментов сум слаб, но сега размислувам: „Одлично, Роб, успеа да ослабеш и сега си стар. Борбата е реална, тагата шокантна. Ги имам цел живот. И нема да попуштам“, напиша пејачот.

„Прифаќањето себеси понекогаш изгледа тешко и невозможно. Како и да е, не сакам никакви комплименти. А ако некој друг се препознае во зборовите што ги напишав, можеби тоа ќе ни помогне и на двајцата“, вели пејачот.