Француски актер Матје Касовиц тешко повреден во сообраќајна несреќа

Познатиот француски актер, режисер и сценарист Матје Касовиц (56) е тешко повреден во сообраќајна несреќа со мотор, во поширокото подрачје на Париз, пишуваат француските медиуми. Касовиц, кој е најпознат по неговиот филм „La Haine“ од 1995 година и улогата во филмот „Amelie“ од 2001 година, се подготвувал за улога во неговиот нов филм.

Една од неговите ќерки била на мотор зад него со инструкторот и била сведок на несреќата. Според официјалните лица во Есон, Касовиц бил пренесен во болница во Кремљ-Бицетр.