Берлин го моли Пекинг! Еве што побара германскиот претседател од Си, а тоа се однесува на Путин

Германскиот претседател Франк-Валтер Штајнмаер во разговор со кинескиот претседател Си Џинпинг побарал од својот колега да влијае на рускиот лидер Владимир Путин да ја прекине специјалната операција во Украина.

Кабинетот на германскиот претседател соопшти дека Штајнмаер го истакнал заедничкиот интерес на Кина и Европа за ставање крај на украинскиот конфликт и почитување на суверенитетот на Украина, како и потребата од повлекување на руските војници.

Тој побара од Си Џинпинг да го искористи своето влијание во Русија за да влијае на Путин во овој поглед, се вели во соопштението.

Од друга страна, претседателот на Кина истакна дека никому не му одговара продолжувањето и усложнувањето на украинскиот конфликт.

„Кина е цврсто посветена на позицијата да придонесе во мировните преговори и верува дека продолжувањето и комплицирањето на кризата не одговара на интересите на ниту една страна“, рече Кси Џинпинг, според кинеската централна телевизија.

Тој исто така најави дека Кина ја поддржува Европа во демонстрирањето на својата стратешка независност и се надева дека ќе изгради избалансирана, ефикасна и одржлива европска безбедносна архитектура.