Избегнете остеопороза со два едноставни совети

Коските стануваат послаби со возраста, за што не помага зголемената тенденција за дебелеење после педесет. Здравствениот гуру д-р Мајкл Мозли, поранешен лекар познат по појавувањето на бројни ток-шоуа за здравјето, им го понуди својот совет на оние кои сакаат да го намалат ризикот од развој на остеопороза.

Тој вели дека во текот на минатата година, додека снимал серијал за здравото стареење, забележал дека коските не му се толку силни – рбетот е цврст, но коските на колкот не се во одлична форма, иако нема остеопороза.

Еве како тоа може да се промени.

Калциум, витамин Д и сливи

Важно е правилното внесување на калциум и витамин Д, а покрај добрите извори на калциум како што се млечните производи и лиснатиот зелен зеленчук, тој советува да јадете суви сливи. Една понова студија, објавена во American Journal of Clinical Nutrition, сугерира дека јадењето пет до шест сливи дневно ја подобрува густината на коските. Антивоспалителните соединенија во сливите може да го забават нивното распаѓање.

Краток, но ефикасен тренинг секој ден

Истражувањата покажуваат дека две минути скокање секој ден може да ги зајакне коските на колкот. Студиите во кои се вклучени жени во менопауза покажаа дека тренинзите кои вклучуваат различни скокачки дигалки и кревање тежина ја зголемуваат густината на коските. Друго истражување покажа дека и помладите и постарите жени кои вежбале со висок интензитет со тегови имале посилни коски од оние кои не вежбале или вежбале со умерен интензитет.