ЗАХАРОВА ОБВИНИ: Украина ја нападна руската Црноморска флота на барање на американските и британските разузнавачи и со помош на авиони на НАТО

Марија Захарова, портпаролка на руското Министерство за надворешни работи, денеска изјави дека украинскиот напад врз руската Црноморска флота во Севастопол, Крим „е извршен на барање на американските и британските разузнавачки служби“.

Според Захарова, Киев дејствувал во координација со овие служби.

ЗАХАРОВА ОБВИНИ: Украина ја нападна руската Црноморска флота на барање на американските и британските разузнавачи и со помош на авиони на НАТО

– Нема сомнеж дека нападот бил планиран со користење на западно разузнавање, сателитска опрема на НАТО и извидувачки авиони – изјави Захарова.

Таа додаде дека нападот во петокот бил извршен „по барање на американските и британските разузнавачки служби и во тесна координација со нив“.

Би-би-си во петокот објави дека нападот бил извршен за време на состанокот на командантите на флотата во Севастопол, а украинската војска тврди дека нападот резултирал со мртви и ранети.

Истиот ден Русија објави дека по нападот исчезнал еден морнар.

Украина тогаш објави дека во ракетен напад врз седиштето на руската Црноморска флота на окупираниот Крим, загинал командантот на таа флота.

Американскиот NBC News изјави дека командант на флотата е адмирал Виктор Соколов, кој не се споменува по име во украинското соопштение, а ја пренесе изјавата на адмирал Џејмс Ставридис, поранешниот врховен командант на сојузничките сили на НАТО, во врска со нападот.

Ако е вистина (дека Соколов е убиен), тоа би бил највисокиот поморски офицер убиен во борби по Втората светска војна – рече Ставридис во објава на социјалната мрежа Х (поранешен Твитер).

Меѓутоа, руската агенција РИА Новости во меѓувреме објави дека Соколов присуствувал на состанокот на Комитетот на Министерството за одбрана на Руската Федерација.

Руските медиуми како доказ прикачија видео од средбата, тврдејќи дека на него се гледа како Соколов го слуша обраќањето преку видео врска. Автентичноста на видеото не е потврдена.