СТЈУРДЕСА НАЈДЕНА МРТВА ВО ХОТЕЛ МЕРИОТ: Убиецот и бутнал крпа во уста, телото случајно го открила чистачка

Стјуардеса на „Американ ерлајнс“ била пронајдена мртва во хотел на аеродром со КРПА во уста.

Неименувана стјуардеса (66) била пронајдена во понеделникот вечерта во соба во хотелот Мериот на меѓународниот аеродром во Филаделфија. Телото било откриено два дена откако требало да се одјави од хотелот на аеродромот.

СТЈУРДЕСА НАЈДЕНА МРТВА ВО ХОТЕЛ МЕРИОТ: Убиецот и бутнал крпа во уста, телото случајно го открила чистачка

Полицијата била известена откако чистачка пријавила дека во собата има жена која не дава знаци на живот.

Главниот инспектор на полицијата во Филаделфија, Скот Смол, изјави дека по внимателно испитување на телото било утврдено дека има „партал во устата“. Полицијата во Филаделфија сè уште ја истражува смртта.

Смол рече дека нема знаци на принудно влегување во собата и се верува дека стјуардесата претрпела „ненадејна смрт“. Тој исто така истакна дека стјуардесата била на „неколку лекови“ во моментот на нејзината смрт.

Локалните медиуми објавија дека во собата биле пронајдени неколку неотворени шишиња со лекови на рецепт. Не е пронајдено оружје и сè уште не се уапсени како дел од истрагата што наводно ја спроведува одделот за убиства.