Почина Мајкл Гамбон, познат по улогата на Дамблдор во филмовите за „Хари Потер“

Актерот Мајкл Гамбон почина на 83-годишна возраст. Тој беше познат по улогата на Албус Дамблдор во филмовите за „Хари Потер“, пренесува Дејли Мејл. Актерот почина по битка со пневмонија.

Веста ја споделија неговата сопруга Ен Гамбон и синот Фергус преку портпаролката Клер Добс.

– Уништени сме да ја објавиме загубата на Мајкл Гамбон. Омилениот сопруг и татко Мајкл почина мирно во болница. Со сопругата Ана и синот Фергус покрај него, по пневмонија. Мајкл имаше 82 години. Ве молиме почитувајте ја нашата приватност во овие тешки моменти и ви благодариме за вашите пораки за поддршка и љубов – се вели во соопштението.

Кариерата на Мајкл траеше 60 години, почнувајќи од Лоренс Оливие како еден од оригиналните членови на Кралскиот национален театар. Неговата успешна кариера секако беше одбележана со франшизата „Хари Потер“, а за неговата работа во актерството освои три награди Оливие, две награди на Screen Actors Guild и четири награди БАФТА.