Три години затвор за кумановката Филиповиќ која усмрти пешак пред мостот Гоце Делчев

По речиси две годишен процес, судот и изрече три години затвор и пет годишна забрана за управување на возило на куманковката Гордана Филиповиќ, која на 26 јануари 2022 година на пешачки премин кај мостот „Гоце Делчев“ смртно го прегази 76 годишниот Слободан Ангеловски. Таа изречената казна ја дочека мирно без никаква реакција.

Судијката Елена Јосифовиќ посочи дека како отежнителна околност е земено тоа што не застанала на пешачкиот премин иако веќе две возила чекале да помине пешак, а воедно и тоа што имала забрана за управување со моторно возило, како и зачестеноста на ваквите кривични дела. Како олеснителни околности во предвид е земено тоа што претходно не била осудувана, станува збор за релативно млада, покажала искрено каење, и тоа што нејзината ќерка го загуби својот живот исто така во сообраќајна несреќа..

Адвокататка на оштетените Јована Малезанска вели дека семејстовото на Ангеловски нема да ја обжали одлуката на судот и дека се задоволни од текот на постапката во која активно учествувале со изнесување на докази.

-Во поглед на висината на казната, дали сме задоволни, сметаме дека е во рамките на законот, во казната земени се во предвид олеснителни околности, меѓутоа ние најмногу би биле задоволни доколку во иднина на се случуваат вакви сообраќајни незгоди со негативни исходи.- Јована Малезанска – Адвокат на семејството Ангеловски

Синот на Ангеловски кој беше присутен на судењето кажа дека во неколку наврати бил исконтактиран од осудената Филиповиќ каде му искажала каење, а во однос на казната, рече дека ниту една казна нема да го врати неговиот татко, побара само возачите да бидат внимателни.

Инаку, во сообраќајна несреќа во 2020 година загина и Јелена Филиповиќ, ќерка на сега неправосилно осудената Гордана Филиповиќ кај Миладиновци, а возачот доби затворска казна од 7,5 години.

The post Три години затвор за кумановката Филиповиќ која усмрти пешак пред мостот Гоце Делчев appeared first on Шило Магазин.