Синан Сакиќ ќе добие музеј во родното место

Легендарниот пејач на народна музика, Синан Сакиќ, кралот на емоциите, ќе добие музеј во родниот крај Лозница. Неогвата сопруга Сабина на тринаесетти октомври, ќе му ја исполни желбата и на истата адреса ќе го отвори своето студио и музејот на Синан.

На „Инстаграм“ испрати покана за отворањето до сите на кои им се допаднаа неговите песни, а отворањето го закажа на денот на неговиот роденден, во пет часот. Музејот и нејзиното студио се наоѓаат на улица „Свети Сава“ 14, во централниот дел на градот.

Синан во својата богата кариера сними триесетина албуми и имаше големи тиражи. Еден од најголемите и најомилените пејачи на народната музика почина на 1 јуни 2018 година, во 62-та година од животот, во семејниот стан во Белград, а погребан е во Лозница.