Шест малолетници пријавени во полиција во Кавадарци, правеле фотомонтажи на фотографии на ученички преземени од Фејсбик 

Шест малолетници од основно училиште од Кавадарци се пријавени во полиција, за злоупотреба на фотографии од малолетни девојчиња од истото училиште.

Според портпаролката на СВР Велес, Биљана Ѓаковска, децата се повикани на разговор во полиција заедно со нивните родители. 

– Ве известуваме дека во ОВР Кавадарци, заедно со нивните родители, повикани се шест малолетници од Кавадарци и со нив бил извршен службен разговор во врска со претходна пријава од родители дека биле злоупотребени лични податоци, односно фотографии од нивните малолетни ќерки. Според пријавеното, фотографии биле преземени од социјални мрежи и на нив биле измонтирани фотографии со недолична содржина, се вели во писмениот одговор од Ѓаковска, добиен попладнево. 

Таа рече дека се работи на расчистување на случајот, по што ќе бидат поднесени соодветни поднесоци.