Меган Маркл поврзана со нелегални супстанци?
Поранешниот сопруг на Меган Маркл (42), Тревор Енгелсон (46), наводно пишува мемоари во кои може да открие непознати детали за нивниот краткотраен брак, пишува Мирор.
Меган (42) и филмскиот продуцент Тревор (46) беа во врска околу шест години, а потоа се венчаа во 2011 година. Две години подоцна се разделија. По тој брак и двајцата повторно го кажаа судбоносното „да“ на други.
Меган е во брак со принцот Хари (39) од 2018 година. Тревор, кој моментално е извршен директор на продукциската компанија Underground, е во брак со нутриционистот Трејси Курланд од 2019 година.
Магазинот Woman’s Day шпекулираше за што Тревор би можел да зборува во мемоарите. Медиумскиот коментатор Нил Шон посочи дека агентите му понудиле на Тревор голема сума пари во замена за пишување мемоари. Иако продолжил со својот живот, можеби размислува да објави книга.
Магазинот продолжи да шпекулира што може да се спомене во мемоарите. На пример, дека Меган го изненадила Тревор со развод испраќајќи му ги вереничкиот и венчалниот прстени по пошта.
„Мирор“ наведува дека Тревор би можел да напише детали од нивната венчавка. Претходно беше објавено дека на гостите на нивната венчавка им била дадена марихуана како подарок за добредојде, а венчавката се одржала во Јамајка во 2011 година.
-Последното нешто што Меган го сака е да биде поврзана со било каков вид на нелегална супстанција, рече изворот.
