Заборавете на Светското првенство во фудбал на секои 4 години, ФИФА МЕНУВА СЕ!

Како бомба во Англија одекна веста дека ФИФА размислува да ја промени фудбалската традиција да се игра Светско првенство на секои четири години.

Претседателот на ФИФА, Џани Инфантино е повеќе од задоволен од тоа како помина Светското првенство во Катар и особено му се допадна идејата за турнир во средината на сезоната, во зимските месеци, поради што почна се повеќе да размислува за нови промени и смислија која на многумина нема да им се допадне… Британскиот таблоид „Дејли мејл“ пренесува дека на секои четири години можеме да заборавиме на Светското првенство, но ќе го гледаме почесто!

Неофицијално, Инфантино има идеја дека Светското првенство во иднина ќе се игра на секои три години бидејќи тоа ќе биде многу поисплатливо за ФИФА, па си поставил задача да го покрене ова прашање до крајот на третиот мандат на чело на ФИФА.

За следните два турнири не се можни промени, односно нема стравувања дека турнирите закажани за 2026 и 2030 година ќе се променат, но многу е сигурно дека ФИФА во меѓувреме ќе направи фудбалска револуција. Тоа би значело дека турнирот закажан за 2034 година се игра една година порано, ќе видиме дали навистина е на средина од сезоната како што беше случајот во Катар – веројатно дури кога ќе слушнеме кој е домаќин.

Неофицијално, Инфантино добивал ваква поддршка од земјите во Африка и Азија, додека претходно двете највлијателни организации – УЕФА и КОНМБЕБОЛ веќе биле против идеата на Арсен Венгер турнирот да се одржува на секои две години. Се чини дека ова на секои три би можело да биде компромисно решение.

На прашањето на „Дејли мејл“, ФИФА не се огласи, но се повеќе се чини дека се подготвени да „измислат“ нови правила за сопствен профит. Никој веќе не се грижи за „потрошувачката“ на фудбалери, а камоли за навивачите.