Битиќи: Годинава за првпат исплаќаме 30 милиони евра кон компании што инвестираа за време на кризата

Кога стапив на функцијата во 2020 година во кабинетот начекав 70 договори за државна помош на компании кои инвестирале во петгодишен циклус, а сега во мојот кабинет има 620 договори за државна помош, реќе вицепремиерот за економски прашања Фатмир Битиќи во гостувањето во Алсат телевизија.

-Односно, 620 компании виделе можност за инвестирање и за првпат годинава ќе исплатиме 30 милиони евра државна помош кон овие компании коишто почнале инвестициски циклус во кризни години. Од нив 97% се домашни и ја виделе можноста зашто се дел од вредносните ланци од одредени индустрии. Сите се во преработувачкиот сектор. Воедно, сите индустриски зони се отворени за сите, како домашни, така и странски компании и ги усогласивме условите за поддршка за домашните и странските компании. Сите индустриски зони во општините се поддржуваат и од страна на централната власт и ако треба ќе бидат поддржани и во инфраструктура, кажа Битиќи.

The post Битиќи: Годинава за првпат исплаќаме 30 милиони евра кон компании што инвестираа за време на кризата appeared first on 24 Инфо.