Познати се првите резултати од обдукцијата на Метју Пери

Метју Пери не умрел од предозирање со фентанил или метамфетамин, пренесува „TMZ“.

Станува збор за две тешки дроги – фентанил која уште се нарекува и дрога „зомби“ која наводно е полоша од хероинот, додека метамфетаминот е синтетичка дрога, позната и како „кристал мет“.

Првите обдукциски тестови покажаа дека славниот Чендлер од „Пријатели“ немал ниту еден од овие две дроги во својот организам.

Сепак, „TMZ“ наведува дека е важно да се напомене дека сè уште се спроведуваат подетални тестови како дел од токсикологијата за да се анализира дали имало други нелегални лекови во неговата крв и дали нивото на лековите кои се издаваат на рецепт биле во штетни дози.

Овие резултати веројатно ќе траат од 4 до 6 месеци, а кога ќе се соберат сите овие информации, судскиот вештак ќе ги утврди причината и начинот на смртта.

Медиумот потсетува дека Метју почина на 28 октомври на 54-годишна возраст, во џакузито на неговата вила во Лос Анџелес.

Текстот Познати се првите резултати од обдукцијата на Метју Пери е превземен од МАКФАКС.