Ферстапен побрз од бурата – Холанѓанеџот на пол-позицијата во Интерлагос

Возачот на Ред Бул, Макс Ферстапен, ќе стартува од пол-позицијата на Големата награда на Бразил, 21-та трка во сезоната во Формула 1.

Холанѓанецот ја освои својата 11-та пол-позиција годинава и 31-ва во кариерата во Интерлагос со круг од 1:10.727 минути кој го постави пред бурата да го погоди Сао Паоло.

Најблиску до трикратниот светски шампион беше Шарл Леклер во Ферари со три десетинки заостанување, додека трет беше возачот на Астон Мартин Ленс Строл.

Временските услови најпрвин доведоа до одложување на почетокот на квалификациите за 15 минути, а потоа заканата од дожд беше присутна цело време.

Вистинска бура пристигна на „Интерлагос“ по три-четири минути од последниот дел од квалификациите, а Ферстапен и Леклер успеаја да постават времиња пред капикте дожд да почната да паѓаа на патеката.

Единствениот возач кој не постави брз круг беше Оскар Пјастри во Мекларен, кој имаше извртување кога почна дождот. Седум минути по стартот се крена црвеното знаме и беше јасно дека квалификациите нема да продолжат.

По Ферстапен следеа Леклерк и Стол, најдобар меѓу останатите беше двократниот светски шампион Фернандо Алонсо. Петтото место го зазеде Луис Хамилтон во Мерцедес, пред тимскиот колега Џорџ Расел и возачот на Мекларен Ландо Норис. Топ 10 го комплетираа Карлос Саинц Јуниор во Ферари, вториот возач на Ред Бул Серхио Перез и Оскар Пјастри.