Grok чини 16 долари месечно како дел од претплатата на X Premium Plus и моментално е достапна за ограничен број корисници.


Илон Маск и неговиот стартап за вештачка интелигенција xAI го лансираа Grok – чет-бот за вештачка интелигенција што треба да го надмине ChatGPT на компанијата OpenAI.

Other AI are scared of Grok, just ask them… pic.twitter.com/mNXUo3ufeq

— Dan (@KettlebellLife) November 4, 2023

Мотивот за создавање на Grok е да се создадат алатки за вештачка интелигенција кои можат да му помогнат на човештвото да ги подобри своите истражувања и иновации, како што претходно објасни Маск во својата објава на платформата X.

Маск и xAI истакнаа дека знаењето за светот во реално време е „уникатна и фундаментална предност“ што ја има Grok, која ја користи преку платформата X.

„Исто така, ќе одговори на „жешките“ прашања на кои повеќето други системи за вештачка интелигенција одбиваат да одговорат. Grok е дизајниран да одговара на прашања генијално и има малку бунтовничка природа, затоа не го користете ако не ви се допаѓа хуморот!“ , посочува Маск.

Just released Grokhttps://t.co/e8xQp5xInk

— Elon Musk (@elonmusk) November 5, 2023

Системот, кој се напојува од Grok, е оценет со неколку академски тестови по математика и кодирање и нуди перформанси што се подобри од она што ChatGPT-3.5 може да го направи во сите тестови, според xAI.

Сепак, во ниту еден од тестовите Grok не успеа да ја надмине најнапредната верзија на OpenAI – GPT-4.

Grok ќе биде достапен преку претплатата X Premium Plus, по цена од 16 долари месечно, а засега е ограничена само на одредени корисници во Соединетите Американски Држави.