Максим Димитриевски никој не побарал дозвола за изградба на музејот на УЧК во селото Сопот.

Од кумановскиот градоначалник Максим Димитриевски никој не побарал дозвола за изградба на музејот на УЧК во селото Сопот.

Тој вели дека не е изненаден од пораките кои ги упати претседателот на ДУИ, Али Ахмети. Градоначалникот вели дека ДУИ покажуваат екстремно самовластие како партија која повеќе од 20 години е на власт и секогаш во предизборието, игра на национална карта.
Во однос на пораките што ги испрати лидерот на ДУИ, Али Ахмети од местото, Димитриевски вели дека не е изненаден.

-Во континуитет покажуваат екстремно самовластие како партија која повеќе од 20 години е на власт и секогаш во предизборието, игра на национална карта и со националните чувства на граѓаните, порача кумановскиот градоначалник.

Истакнува дека „ова што се прави од страна на партнерот и носител на власта е срамно и недозволиво, дополнително револтира и фрустрира и мнозинството граѓани Македонците ги навредува“.

-Треба да се стави крај на оваа самовластие и конечно некој да одговара, дециден е Димитриевски.

Ахмети викендов во Сопот го отвори комплексот на УЧК. Во него се изложени фотографии на команданти на УЧК од Косово како што е основачот Адем Јашари, како и ликови од воениот конфликт во Македонија како Исмет Јашари, но и фотографиите од „бившиот командант на ОНА“, самиот Ахмети.

-Ние избравме Албанците во Македонија да бидат државотворци, да бидат господари и да се залагаат во сопствената држава, а ова знаме денес е официјално и неприкосновено. Еве ја крвта на стотици војници, патриоти и Албанци. Албанскиот јазик е официјален и неприкосновен, рекол меѓу другото Ахмети во своето обраќање пред присутните, по повод „одбележување на масакрот во 1944 година над 64 Албанци од Сопот“.
Н.П.

The post Максим Димитриевски никој не побарал дозвола за изградба на музејот на УЧК во селото Сопот. appeared first on Шило Магазин.