Денешниот датум е исклучително моќен

Денес е 11 ноември, енергично моќен ден – ден кога добиваме длабоки духовни пораки, имаме можност за духовно будење и разбирање на целта. Овој ден има нумеричка шифра 1111, што е број на моќ во астрологијата. Ако има нешто што сакате да го постигнете, ова е ден да ги поставите вашите цели. 11 ноември е исклучително моќен ден за отворање на срцето и зајакнување на енергијата. Тоа е и моќен ден за молитва, но и за акција.

Ноември е секогаш посебен месец бидејќи ја содржи вибрацијата на бројот 11. Бројот 11 во нумерологијата има речиси исто значење како еден, но со двојно зголемена моќност. Во нумерологијата, 11 е главен број, поврзан со повисоки области, божествени и духовни будења. Тоа претставува доаѓање во целосна усогласеност со вашето вистинско и најдлабоко јас.

Бројот 11 е и наш потсетник дека иако изгледаме како индивидуалци, всушност сите сме поврзани и дел од една поголема целина. Ова се гледа во бројот 1 кој се повторува двапати и фактот дека кога се собираат цифрите, 11 ни дава 2, што е повисока октава – и има моќ на поврзување.

Самиот број 11 изгледа како два столба. Бројот 11 означува нов почеток, отворање кон ново знаење и иницијација.

Оваа нумеролошка низа се случува да не потсети на синхроничноста помеѓу внатрешната свест и надворешниот свет.

Во текот на целиот ноември можеме да користиме поголема вибрација. Можеме да најдеме поголем напредок преку медитација, поминување време во природа, пишување дневник и фокусирање кон благодарноста.

11 ноември е моќно време да го промените вашиот живот, да поставите намери или да копате подлабоко за да ја откриете вистината. Нови будења, нови информации и нови нивоа на просветлување се можни на овој ден.

Одлучноста, самодовербата, храброста и продорната моќ се само дел од карактеристиките поврзани со бројот 1. Овој број, особено кога се појавува во серија, нè поттикнува да размислуваме за нови можности, почетоци и проекти и да визуелизираме позитивен исход.

Фокусирајте се на вашите желби наместо на вашите стравови; на можности наместо на пречки.

Бројот 1111 претставува создавање, лидерство и манифестација, тој е динамична бројна низа со голем потенцијал. На овој ден ќе можете да ги разберете причините за вашите проблеми и многу поефикасно да најдете решенија. Интуицијата е изразена и е добар ден е за работа на важни проекти.

На овој ден имате можност да создадете одлична визија за вашата иднина. Затоа, смислете цел што целосно го изразува она што сакате да го создадете во животот.

11 ноември е исто така исклучително моќен ден за отворање на срцето и зајакнување на енергијата. Во текот на денот трудете се свесно да го држите срцето отворено и во вибрации на љубов, разбирање, простување и сочувство, особено кон себе.

Размислете за нешто што сакате да го создадете и привлечете во вашиот живот. Нема правилно или погрешно кога станува збор за вашата намера, само обидете се да ја изразите на позитивен начин.

Запрашајте се – што му треба на моето тело, што на мојот ум, на мојата душа? И бидете смирени додека чекате да се појави одговорот. Слушањето е моќна алатка, затоа особено на овој ден, задолжително слушајте го и вашиот внатрешен и надворешен свет.

Останете отворени, се што ви доаѓа е за ваше највисоко добро. Дури и ако се појават тешки ситуации, обидете се да разберете зошто тоа ви се случува и што треба да научите.