АРГЕНТИНА: НЕГОВАТА КУЌА Е ГОЛЕМА КАКО КОСОВО, КУЧЕТО МУ Е ПОЛИТИЧКИ СОВЕТНИК, А СЕ ШЕТА СО МОТОРНА ПИЛА!

Хавиер Мајли е новиот претседател на Аргентина. Тој во неделата го победи Серхио Маса, министерот за економија на Аргентина, пишува Daily Mail.

Хавиер Мајли е познат по своите екстремно десничарски ставови и има намера да ја затвори Централната Банка на Аргентина и да го либерализира поседувањето оружје.

Странските платеници ја напуштаат Украина! CNN потврди со изјава од офицер на армијата, ова може да значи само едно!
Горан Горан Иванишевиќ: “Новак Ѓоковиќ е најдобриот играч во историјата на тенисот!“
Новак Ѓоковиќ по победата во Торино: овие зборови допрва ќе се цитираат!
АРГЕНТИНА: НЕГОВАТА КУЌА Е ГОЛЕМА КАКО КОСОВО, КУЧЕТО МУ Е ПОЛИТИЧКИ СОВЕТНИК, А СЕ ШЕТА СО МОТОРНА ПИЛА!
„САКАМ ДВЕ ДРЖАВИ!“ – Порака од Бајден до Израел: „Нема простор за нова окупација, тоа е јасно“

Хавиер Мајли освоил 56 отсто од гласовите од 87 проценти преброени гласови, додека неговиот противкандидат имал 44 отсто од гласовите. Хавиер Мајли на крајот победил со 12 отсто од гласовите. Хавиер Мајли аналитичарите често го споредуваат со поранешниот претседател на Соединетите Американски Држави, Доналд Трамп.

Пред објавувањето на официјалните резултати, левичарскиот кандидат Серхио Маса му честиташе на противникот за победата. Хавиер Мајли нема претходно политичко искуство, а неговото CV е прилично бурно и невообичаено за функцијата што ќе ја извршува од денес. Тој исто така е и поранешен секс тренер!

Некои од неговите најпознати изјави се дека Централната Банка на Аргентина треба да се укине, дека климатските промени се „социјалистичка лага“ и дека сексуалното образование го смета за заговор чија цел е уништување на семејството. Неговата намера е и да ја легализира продажбата на телото (секс услуги) и сака да ги олесни мерките за поседување оружје.

Хавиер Мајли живее со пет кучиња. Како што изјавил во 2018 година, Конан, Мареј, Милтон, Роберт и Лукас се „неговите деца со четири нозе“, пишува New York Times. Она што е невообичаено за неговите кучиња е тоа што сите кучиња се клонови на неговото куче Конан, кое го добило името по еден филм.

Кучето Конан починало во 2018 година, а сите други кучиња се родени во просториите на една компанија во Соединетите Американски Држави. Хавиер Мајли за аргентинските медиуми изјави дека неговото куче Конан е како негов син, а неговите клонови се како неговите деца.

„Мојата куќа е голема како Косово. За две недели изедоа речиси четири фотелји“, изјавил Хавиер Мајли во 2018 година на една аргентинска телевизија.

Во предизборната кампања и на митинзите често се појавуваше со моторна пила која симболизираше намалување на потрошувачката и отпадот. Ова конкретно се однесува на државното здравство, образованието и намалувањето на бројот на министерства. Тој често ги нарекуваше противниците на својата кампања „комунисти, паразити и пијавици“. Хавиер Мајли се опишува себеси како „анархо-капиталист“.

Тој и претходно отворено зборуваше на радио за склоноста кон тројки во интимните врски бидејќи смета дека сиромашните треба да имаат право да „продаваат“ делови од телото. Ужива и во телепатска комуникација со своето мртво куче, кое е еден од неговите најважни политички советници.

„Ако треба да бирам меѓу мафијата и државата, би ја избрал мафијата. Мафијата има правила, мафијата се прилагодува, мафијата не лаже. Пред се, мафијата се натпреварува“, изјави тој еднаш за аргентинските медиуми.