Столтенберг во БиХ: „Загрижени сме поради сецесионистичката реторика и надворешните влијанија“

НАТО останува посветен на обезбедувањето поддршка на Босна и Херцеговина за нејзиниот евроатлантски пат. Секоја земја има право да избере свои безбедносни аранжмани, изјави генералниот секретар на НАТО, Јенс Столтенберг, кој е во посета на Сараево, главниот град на Босна и Херцеговина.

Мојсоска: Комитите од Али Експрес осум години се опозиција, филџан не фрлија во Собранието
Очекувам до јануари ВМРО ДПМНЕ да застанат зад мојата кандидатура – Вело Марковски, независен кандидат за претседател
ИМА ПРЕМНОГУ ЦИВИЛНИ ЖРТВИ – Емануел Макрон со остра порака до Бенјамин Нетанјаху
Ќелијата во која Јанкулоска ја издржувала затворската казна
Мастика заглавена во уредот за отчукување на картичката на Џафери, седницата не може да продолжи!

Шефот на НАТО денеска имаше средба со претседавачката со Советот на министри на Босна и Херцеговина, Борјана Кришто.

„Разговаравме за безбедносната ситуација во Босна и Херцеговина и во регионот. Сојузниците силно го поддржуваат суверенитетот и територијалниот интегритет на вашата земја. Загрижени сме поради сецесионистичката реторика и надворешните влијанија, особено од Русија. Ова се заканува да ја поткопа стабилноста и да ги ослаби реформите. Сите лидери мора да работат за единство и напредок. Тоа ни е исклучително важно и ние сме посветени на ситуацијата во овој регион. НАТО со години е посветен на стабилноста во вашата земја“, рече Столтенберг на прес-конференцијата по средбата со Кришто.

Тој, исто така, нагласи дека НАТО и неговите сојузници остануваат посветени на мировната мисија ЕУФОР во Босна и Херцеговина.

– Поддршка на мисијата Алтеа

„Затоа, ја продлабочуваме нашата соработка и нашиот политички дијалог и практична соработка. Седиштето на НАТО во Сараево ѝ дава поддршка на мисијата Алтеа на Европската Унија. НАТО и сојузниците остануваат посветени на успехот на таа мисија и ја поздравуваме одлуката на Советот за безбедност на ОН за продолжување на мисијата“, додаде тој.

Столтенберг истакна дека НАТО-алијансата силно ги поддржува реформските напори на Босна и Херцеговина.

„Тоа ќе ги зајакне вашите способности како одговор на природните и други катастрофи и во киберодбраната. НАТО останува посветен на поддршката на БиХ за нејзиниот евроатлантски пат. Секоја земја има право да избере свои безбедносни аранжмани без надворешно мешање. Особено сакам да ја пофалам Босна и Херцеговина за нејзините успеси што ги постигна на патот кон Европската Унија“, рече Столтенберг.

– Балканска турнеја

Столтенберг вчера пристигна во главниот град на БиХ, каде што е во дводневна посета, при што ќе се сретне со голем број претставници. Тој беше пречекан од членовите на Претседателството во главниот град на БиХ.

Шефот на НАТО-алијансата по денешната средба со Кришто се сретна и со високиот претставник за Босна и Херцеговина, Кристијан Шмит, а предвидени се и средби со воени и меѓународни претставници во базата на НАТО во Бутмир.

Покрај Босна и Херцеговина, Столтенберг по Сараево патува за Косово каде ќе се сретне со премиерот Албин Курти и со претседателката Вјоса Османи.

По Косово, Столтенберг ќе има средба во Белград со премиерката Ана Брнабиќ и со претседателот Александар Вучиќ во рамките на неговата балканска турнеја, а посетата на регионот ќе ја заврши со Северна Македонија.