ПУТИН ЈА ОДБИ ФРАЗАТА “СПЕЦИЈАЛНА ВОЕНА ОПЕРАЦИЈА”: Рускиот претседател за конфликтот првпат го употреби забранетиот збор „ВОЈНА“!

Рускиот претседател Владимир Путин во четвртокот го употреби зборот „војна“ во врска со конфликтот во Украина, за првпат јавно отстапувајќи од претходната фраза „специјална воена операција“ за да ја опише 10-месечната инвазија на Украина.

„Нашата цел не е да го продолжиме воениот конфликт, туку напротив, да ставиме крај на оваа војна“, изјави Путин за новинарите во Москва, каде што присуствуваше на седницата на Државниот совет за младинска политика. Работевме на тоа и ќе продолжиме да работиме на тоа и во иднина“, рече тој.

Критичарите на Путин велат дека употребата на зборот „војна“ за опишување на конфликтот во Украина е практично нелегална во Русија од март. Навистина, Путин го потпиша законот за цензура, според кој ширењето „лажни“ информации за инвазијата е кривично дело, казниво со затворска казна до 15 години. Затоа употребата на зборот војна од страна на Путин не остана незабележана.

Никита Јуферев, општински пратеник од Санкт Петербург, кој избега од Русија поради неговото противење на војната, во четвртокот рече дека веќе побарал од руските власти да го гонат Путин за „ширење лажни информации за војската“. Указот за завршување на специјалната воена операција се уште не е усвоен, војната не е објавена“, напиша Јуферев на Твитер.

 „Неколку илјади луѓе веќе се осудени за такви зборови за војната“, предупредуваат критичарите на Путин.

Американски функционер изјави за Си-Ен-Ен дека забелешката на Путин најверојатно не била намерна и најверојатно била лапсус. Официјалните лица сега внимателно ќе следат што ќе кажат луѓето во Кремљ за ова во наредните денови.