Дали Дибала и Лукаку се подобри од Тоти и Батистута – „Го знам одговорот, но не сакам да ви кажам“

Легендата на РОМА Франческо Тоти се наврати на резултатите на клубот во кој ја мина целата своја кариера, ги истакна најголемите проблеми во тимот и откри дека би сакал Жозе Мурињо да му бил тренер во текот на неговата играчка кариера. Не сакаше да одговори на едно прашање.

„Доследност, тоа е најголемиот проблем. Тоа е факт. Навикнати сме на подеми и падови, а тие се последица на тоа. Имаме одличен тренер, тој е и голем мотиватор, па мислам дека сè најмногу зависи од играчи“, изјави Тоти, италијански шампион со Рома од сезоната 2000/01.

Таа сезона Габриел Батистута се пресели во Рома од Фиорентина, чии 20 гола беа најмногу од играч на Рома во таа сезона. И за Тоти и за Батистута таа титула е единствена во Серија А. Винченцо Монтела кој исто како и Тоти постигна 13 гола, а во нападот за Рома играше и Марко Делвекио.

На Тоти му се допаѓа како се надополнуваат денешните напаѓачи на Рома Пауло Дибала и Ромелу Лукаку, па беше прашан и дали двајцата се подобри од него и од Батистута.

„Го знам одговорот на тоа прашање, но не сакам да ви кажам. Би ја наместил играта за да играме сите заедно“, одговори Тоти.