Кои јаткасти плодови можат полесно да им помогнат на студентите да се соочат со стресот при студирање?
Јаткастите плодови во секојдневната исхрана на студентите под стрес имаат позитивни ефекти врз нивното ментално здравје, покажало новото клиничко испитување спроведено на студенти на додипломски студии.
Кои јаткасти плодови можат полесно да им помогнат на студентите да се соочат со стресот при студирање?
Студијата спроведена од научници од Универзитетот во Јужна Австралија и објавена во научното списание Nutrients, исто така, сугерира дека оревите можат да ги неутрализираат ефектите на стресот врз цревната микрофлора за време на стресни периоди, особено кај жените.
Според авторите, студентите доживуваат академски стрес во текот на студирањето, што негативно се одразува врз нивното ментално здравје, а тоа особено се забележува за време на испитните рокови.
Оревите можат да ја намалат депресијата
Студентите кои секој ден консумирале околу половина шолја ореви покажале подобрувања во поглед на менталното здравје, подобрени метаболички биомаркери и подобрување на квалитет на сонот.
Покрај тоа, претходните научни истражувања покажале дека оревите се полни со омега-3 масни киселини, антиоксиданси, како и мелатонин (хормон кој поттикнува сон), полифеноли, фолати и витамин Е, кои заедно придонесуваат за здрав мозок и црева.
„Светската здравствена организација неодамна изјави дека најмалку 75 проценти од случаи на нарушувањата на менталното здравје се однесуваат на луѓето помлади од 24 години и тоа особено кај студентите на додипломски студии“, истакнуваат авторите на ова истражување.
Заклучокот на ова истражување е дека нарушувањата на менталното здравје се чести меѓу учениците и можат негативно да влијаат врз нивните академски перформанси и долгорочното физичко здравје, но од друга страна, консумирањето ореви може да го подобри менталното здравје и општата благосостојба на учениците.
