(Видео) Сантос по 111 години испадна од Серија А

Бразилскиот великан Сантос, прв пат во 111-годишната историја испадна од Серија А. Сантос во последното коло не успеа да слави на домашен терен против Форталеза. Поразот на славниот клуб го искористија Бахија и Васко де Гама, тие победија и се спасија од испаѓање.

Хуан Лусеро постигна гол во 96.минута за 1:2 и го исфрли клубот, чие име го прослави Пеле, во Серија Б.

Фудбалерите на познатиот клуб плачеа на теренот, солзите не можеа да ги сокријат ниту луѓето од клупата, плачеа навивачите на трибините.

Absolute despair as Santos are relegated to the Brasileirão Série B for the first time in club history. pic.twitter.com/vDZzZ4fOQK

— CBS Sports Golazo (@CBSSportsGolazo) December 7, 2023

Надвор од стадионот Урбано Калдеира, радикалните навивачи, разочарани од неуспехот, рушеа се пред себе.

Во текот на ноќта гореа улиците околу стадионот во населбата Вила Белмиро, а густиот чад можеше да се забележи од Сао Паоло.

Caos na Vila Belmiro, estão botando fogo em tudo pic.twitter.com/m8no0ry4KU

— Vitor Gameiro (@Vitunhu) December 7, 2023

Инаку, титулата во Бразил ја освои Палмеирас. „Зелените“ ја освоија четвртата титула во последните седум години. Со 12 шампионски трофеи Палмеирас е најуспешниот бразилски клуб, зад него е новиот второлигаш Сантос со осум.