Обвинителството бара максимална казна за Пол Погба

Фудбалерот на Јувентус и поранешен француски репрезентативец Пол Погба (30) падна на допинг тест во август. Французинот беше позитивен на тестостерон, хормон кој ја зголемува издржливоста кај спортистите.

Тестот му беше направен по натпреварот со Удинезе, кој Погба го гледаше од клупата за резерво. Подоцна,позитивен беше и Б примерокот земен од допинг контролата.

Погба оваа сезона одигра само 51 минута, а минатата сезона одигра 108 минути во шест првенствени настапи, со уште неколку настапи во Купот и Лига Европа, а може да помине многу долго додека повторно да го видиме на теренот.

Обвинителот на Антидопинг агенцијата сега и формално побара Погба да биде суспендиран на четири години, што речиси сигурно би значело крај на неговата кариера на елитното ниво.

Откако пред една година се врати во Јувентус како слободен играч, повредите го спречија да му помогне на клубот и да настапи на Светското првенство во Катар.

Неговиот најголем успех досега останува освојувањето на Светското првенство во Русија, каде што беше стрелец во победата (4:2) против Хрватска во финалето.