Девојчето кое вечерва беше удрено од возило на бул. „Србија“ е со тешки телесни повреди

Констатирани се тешки телесни повреди кај девојчето кое вечерва беше удрено од воизило кај бензинската пумпа „Лукоил“, на булевар „Србија“ во Општина Аеродром, соопшти Министерството за внатрешни работи.

На 07.12.2023 во 16.25 часот на бул.„Србија” спроти бензинска пумпа патничко возило „пасат” со скопски регистарски ознаки, управувано од Д.Л. удрило во малолетен пешак. Во несреќата малолетничката се здобила со тешки телесни повреди, констатирани во Комплекс клиники „Мајка Тереза”, каде била пренесена за укажување на лекарска помош, информираат од МВР.

Оттаму исто така велат дека продолжува увидот од страна на екипа на СВР Скопје.