ПОЧНУВА НОВА ВОЈНА? – Бразил ја распоредува Армијата на границата, а објавени се и плановите за освојување!

Бразил распоредува војници долж границата со Венецуела, откако Каракас ги објави плановите за анексија на богатиот со нафта регион Есекибо, контролиран од Гвајана, на нејзина територија.

Армијата на Бразил објави дека го зголемува присуството во регионот како дел од напорите да се „гарантира неповредливоста на територијата“, пренесоа светските медиумите, повикувајќи се на информациите оттаму.

Венецуела ги обнови своите претензии кон регионот Есекибо, кој е оспоруван од 19 век кога Гвајана беше британска колонија, откако пред неколку години беа откриени резерви на нафта и гас на дното на морето.

Тензиите меѓу двете земји се зголемуваат по венецуелскиот референдум одржан во неделата, на кој повеќе од 95 отсто од гласачите го поддржаа тврдењето на Владата за Есекибо.

По референдумот, венецуелскиот лидер Николас Мадуро побара од државната нафтена компанија да издаде дозволи за експлоатација во Гвајана и предложи Собранието да усвои закон со кој областа ќе стане дел од Венецуела.

Загриженоста расте во регионот, додека Гвајана ги држи своите трупи во состојба на готовност, а бразилската Армија преместува повеќе војници во пограничниот град Боа Виста, главниот град на државата Рораима, и носи повеќе вооружени возила.

Сепак, секој воен упад од страна на Венецуела ќе биде логистички предизвик, бидејќи венецуелските војници ќе мора да поминат низ бразилска територија за да влезат во Есекибо поради предизвикувачкиот терен.

Во меѓувреме, хеликоптер на Армијата на Гвајан со седум лица исчезна во средата во близина на границата со Венецуела, но началникот на Генералштабот на Гвајан, Омар Кан, кажа дека нема информации што укажуваат на тоа дека Венецуела е вмешана.