Ребека Велч ќе биде првата жена судија во Премиер лигата

Ребека Велч ќе стане првата жена која ќе суди на натпревар од Премиер лигата. Велч ќе го суди натпреварот меѓу Фулам и Барнли на 23 декември.

Велч (40) е судија од 2010 година, таа беше првата жена која беше главен судија на натпревар од Чемпионшип, кога во јануари оваа година го водеше дуелот помеѓу Бирмингем и Престон.

Исто така, Сем Алисон, кој ќе биде судија на мечот меѓу Шефилд јунајтед и Лутон на 26 декември, ќе биде првиот црномурест судија во Премиер лигата по 15 години.

Јурај Рение, последниот црномурест судија во Премиер лигата, се пензионираше во 2009 година.

„Ова се многу важни денови за Ракел и Сем, и двајцата се исклучително квалитетни судии и заслужуваат да им се даде шанса“, изјави за Би-би-си шефот на Организацијата за судии во ПЛ, Хауард Веб.

Покрај натпреварите од женската Супер лига, Лигата на шампионите за жени и Светското првенство за жени, Велч, исто така, судела и натпревар од третото коло на ФА Купот (2022) и е на машката судиска листа на ЕФЛ за натпревари од Чемпионшип, Лига 1 и Лига 2.

Во ноември, Велч веќе влезе во историјата на Премиер лигата како првата жена која беше дел од судискиот тим на натпревар во ПЛ – таа беше четвртиот судија на натпреварот помеѓу Фулам и Манчестер јунајтед.