(Видео) Абердин без Миовски со победа се прости од Конференциската лига

Foto/ EPA

Заврши фазата по групи во Конференциската лига во групите Е, Г и Х. Пласман во нокаут фазата изборија Астон Вила, Легија, ПАОК, Ајнтрахт, Фенербахче и Лудогорец.

Фенербахче славеше над Сартак Трнава со 4:0, но не успеа да го освои првото место во групата, бидејќи Лудогорец со голот на Пјотровски го победи Нордсјеланд (1:0) и благодарение на подобриот меѓусебен скор од Фенер, заврши на врвот на табелата.

Зрињски одигра 1:1 со Астон Вила во Мостар.

Екипата на Бирмингем поведе со голот на Заниоло во 61. минута, а конечниот резултат го постави Малекинушиќ во 87. минута.

Легија за која настапува го совлада АЗ Алкмар (2:0), со головите на Рибеиро во 34. минута и Крамер во 81. минута.

Астон Вила е прва во Е групата со 13 бодови, Легија втора со 12, АЗ Алкмар трет со шест, додека Зрињски е последен со четири бода.

Абердин, без Бојан Миовски го победи Ајнтрахт со 2:0, со головите на Дјук во 41. минута и Соклер во 74. минута, додека ПАОК славеше над ХЈК од Хелсинки (4:2).

Бојан Радуловиќ во шестата минута ги доведе гостите во водство, но следеше серија погодоци на солунскиот тим, Оџоев во 37. , Константелиас во 47., Тоивио во 53. си постигна автогол, а стрелец беше и Мург во 85. минута. Хетемај го постигна конечниот резултат од пенал во втората минута од судиското надополнување.

Прв во Г групата заврши ПАОК со 16 бодови, Ајнтрахт втор со девет, Абердин трет со шест, а ХЈК последен со два бода.