Дакота Џонсон вели дека спие до 14 часа навечер. Дали е тоа премногу?

Актерската ѕвезда која сите ја запознаа по филмскиот серијал „ 50 нијанси на сиво” Дакота Џонсон изјави дека ако спие помалку од 10 часа навечер, не може да функционира правилно. Таа додаде дека лесно може да спие повеќе од 14 часа.

„Спиењето е мојот број еден приоритет во животот“, изјави атрактивната актерка.

Џонсон објасни и дека нема одредено време во кое се буди секој ден. Наместо тоа, таа ја планира својата рутина за спиење на ден за ден.

„Ако не работам, ако имам слободен ден во понеделник, тогаш спијам колку што сакам и можам“, рече таа.

Можеби тајната на нејзината убавина е спиењето, но атрактивната актерка откри што друго прави за да го одржува својот привлечен изглед. Покрај тоа што спие повеќе часа, Џонсон истакна дека вежба пет дена во неделата – мешавина од јога, пилатес и вежбање со тежина. Таа, исто така, медитира двапати секој ден.