Како да ја вратите довербата во партнерот кој ве изневерил?

После измамата – емотивна или физичка – некои парови одлучуваат да останат заедно и да се обидат да ја вратат изгубената доверба, но – дали е тоа возможно? Или тоа е само обид да се направи нешто што, порано или подоцна, и онака е осудено на пропаст?

„Кога во љубовната врска се изневерува, довербата е засекогаш скршена и сомнежот секогаш ќе постои“, вели Џесика Леони, брачен советник и познат терапевт. ,,Сепак” – додава таа, ,,Тоа не значи дека многу од довербата не може да се врати, но процесот не е лесен.”

„Различни фактори влијаат дали тоа ќе биде изводливо“, објаснува психотерапевтката Сали Бејкер. ,,Најважно”, додава таа, ,, е колку напор ќе вложи лицето што изневерувало. Некои луѓе после неверство се посветени да се обидат да ја вратат врската во состојба како што била пред да се случи таа измама. Ако лицето кое изневерува продолжува да ги негира своите постапки или се однесува како да не направило ништо страшно, враќањето на довербата не е можно.”

„Најлошото нешто е ако измамената личност веќе била во таа ситуација: без отстранување на траумата од претходните врски, речиси е невозможно објективно да ја разгледа ситуацијата“, вели Бејкер.

Оној што изневерил мора искрено да го признае она што го направил.

„Клучот е таа личност да ја разбере и прифати својата грешка и навистина да сака да ги промени работите“, вели Бејкер, ,,и ако тоа не е така, треба да му дозволи на партнерот да го живее својот живот без него / неа.”

Зошто се случило тоа?

Зошто мамењето се случи треба да го разберат двете страни, додава терапевтот, бидејќи на крајот секогаш постои причина зошто некој изневерува и важно е да се разбере дека измамената личност не почнува да чувствува вознемиреност и страв околу наклонетоста на партнерот кон неа/него. Ова би се однесувало на едно од прашањата:,,Дали му сум сеуште доволно привлечен/а?!”

Основачот на „Mending Hearts Retreat“ Гили Да Силва, кoј исто така е и ,,life coach”, вели дека многу луѓе во врска изневеруваат затоа што самите се чувствуваат несакани или немаат доволно самодоверба. „Покрај тоа, причините може да бидат недостаток на комуникација, досада и недостаток на љубов“, вели Гили.

Овде нападот не е најдобра одбрана!

„Ако некое лице е фатено како изневерува, најдобро е да бидете искрени и да преземете целосна одговорност, без да се обидувате да го обвинувате партнерот за ништо, инаку му отежнува повторно да прости и да поверува“, вели Да Силва.

Размислете за терапија

Предавството е голема работа, и ако сте навистина посветени да ја вратите врска, добро е понекогаш да побарате стручна помош. „Професионалното советување може многу да помогне на двојката во изградбата на посилна врска“, велат експертите.

Покажете дека ви е жал на дело, а не само да кажувате

Ако сте изневериле, кажете му на партнерот дека искрено ви е жал, преиспитајте ги своите чувства и побарајте ги причините и понудете повеќе од зборови за да ја вратите довербата.

Покажете колку ви е жал и зошто тоа никогаш повеќе нема да се повтори, не само со зборови, туку и со дела!